கலகொட அத்தே ஞானசார தேரரை விடுதலை செய்யுமாறு கோரி, கொழும்பு விஹாரமஹாதேவி பூங்காவில் தேரர்கள் முன்னெடுத்த போராட்டத்தின்போது ஏற்பட்ட அமைதியின்மையைத் தொடர்ந்து, கொழும்பு தேசிய வைத்தியசாலையில் அனுமதிக்கப்பட்ட பலாங்கொட கஸ்ஸப தேரர், சுயவிருப்பின் பேரில் வைத்தியசாலையிலிருந்து வெளியேறியுள்ளார்.
இதனை கொழும்பு தேசிய வைத்தியசாலையின் பணிப்பாளர் வைத்தியர் சம்பத் இந்திக குமார தெரிவித்துள்ளார்.
கடந்த 17ஆம் திகதி இரவு சுமார் 8.30 மணியளவில் பலாங்கொட கஸ்ஸப தேரர் சிகிச்சைக்காக தேசிய வைத்தியசாலையின் அவசர விபத்துப் பிரிவுக்கு வந்ததாக வைத்தியசாலைப் பணிப்பாளர் குறிப்பிட்டார்.
தேரருக்கு ஏற்பட்டிருக்கக்கூடிய பாதிப்புகளைக் கண்டறிவதற்காக மருத்துவர்கள் பரிசோதனைகளை மேற்கொண்டதுடன், கதிரியக்கப் பரிசோதனைகள், மீயொலி பரிசோதனைகள் மற்றும் இரத்தப் பரிசோதனைகளும் முன்னெடுக்கப்பட்டதாக அவர் தெரிவித்தார்.
குறித்த பரிசோதனைகளின்போது, அந்தச் சந்தர்ப்பத்தில் எவ்வித பாதிப்புகளும் ஏற்பட்டிருப்பதற்கான அறிகுறிகள் கண்டறியப்படவில்லை என்றும் வைத்தியசாலைப் பணிப்பாளர் குறிப்பிட்டார்.
தனது தலையில் தாக்குதல் நடத்தப்பட்டதாக தேரர் தெரிவித்திருந்த நிலையில், அவரை அவசர விபத்துப் பிரிவில் அனுமதித்து முழுமையான மருத்துவப் பரிசோதனைகள் மற்றும் கண்காணிப்புக்கு உட்படுத்துமாறும், கண்காணிப்பு விடுதியில் தங்கவைக்க வேண்டிய அவசியம் இருப்பதாகவும் மருத்துவர்கள் அறிவுறுத்தியிருந்தனர்.
எனினும், மேலதிக சிகிச்சைகள் தேவையில்லை எனத் தெரிவித்த பலாங்கொட கஸ்ஸப தேரர், சுமார் ஒரு மணித்தியாலத்தின் பின்னர், இரவு 9.30 மணியளவில் வைத்தியசாலையிலிருந்து வெளியேறியதாக வைத்தியசாலைப் பணிப்பாளர் மேலும் தெரிவித்தார்.
இதேவேளை, பலாங்கொட கஸ்ஸப தேரர் வைத்தியசாலையில் அனுமதிக்கப்பட்டிருந்தபோது, முன்னாள் நாடாளுமன்ற உறுப்பினர் சமன் ரத்னப்பிரிய நேரில் சென்று அவரைப் பார்வையிட்டிருந்தமை குறிப்பிடத்தக்கது.கலகொட அத்தே ஞானசார தேரரை விடுதலை செய்யுமாறு கோரி, கொழும்பு விஹாரமஹாதேவி பூங்காவில் தேரர்கள் முன்னெடுத்த போராட்டத்தின்போது ஏற்பட்ட அமைதியின்மையைத் தொடர்ந்து, கொழும்பு தேசிய வைத்தியசாலையில் அனுமதிக்கப்பட்ட பலாங்கொட கஸ்ஸப தேரர், சுயவிருப்பின் பேரில் வைத்தியசாலையிலிருந்து வெளியேறியுள்ளார்.
இதனை கொழும்பு தேசிய வைத்தியசாலையின் பணிப்பாளர் வைத்தியர் சம்பத் இந்திக குமார தெரிவித்துள்ளார்.
கடந்த 17ஆம் திகதி இரவு சுமார் 8.30 மணியளவில் பலாங்கொட கஸ்ஸப தேரர் சிகிச்சைக்காக தேசிய வைத்தியசாலையின் அவசர விபத்துப் பிரிவுக்கு வந்ததாக வைத்தியசாலைப் பணிப்பாளர் குறிப்பிட்டார்.
தேரருக்கு ஏற்பட்டிருக்கக்கூடிய பாதிப்புகளைக் கண்டறிவதற்காக மருத்துவர்கள் பரிசோதனைகளை மேற்கொண்டதுடன், கதிரியக்கப் பரிசோதனைகள், மீயொலி பரிசோதனைகள் மற்றும் இரத்தப் பரிசோதனைகளும் முன்னெடுக்கப்பட்டதாக அவர் தெரிவித்தார்.
குறித்த பரிசோதனைகளின்போது, அந்தச் சந்தர்ப்பத்தில் எவ்வித பாதிப்புகளும் ஏற்பட்டிருப்பதற்கான அறிகுறிகள் கண்டறியப்படவில்லை என்றும் வைத்தியசாலைப் பணிப்பாளர் குறிப்பிட்டார்.
தனது தலையில் தாக்குதல் நடத்தப்பட்டதாக தேரர் தெரிவித்திருந்த நிலையில், அவரை அவசர விபத்துப் பிரிவில் அனுமதித்து முழுமையான மருத்துவப் பரிசோதனைகள் மற்றும் கண்காணிப்புக்கு உட்படுத்துமாறும், கண்காணிப்பு விடுதியில் தங்கவைக்க வேண்டிய அவசியம் இருப்பதாகவும் மருத்துவர்கள் அறிவுறுத்தியிருந்தனர்.
எனினும், மேலதிக சிகிச்சைகள் தேவையில்லை எனத் தெரிவித்த பலாங்கொட கஸ்ஸப தேரர், சுமார் ஒரு மணித்தியாலத்தின் பின்னர், இரவு 9.30 மணியளவில் வைத்தியசாலையிலிருந்து வெளியேறியதாக வைத்தியசாலைப் பணிப்பாளர் மேலும் தெரிவித்தார்.
இதேவேளை, பலாங்கொட கஸ்ஸப தேரர் வைத்தியசாலையில் அனுமதிக்கப்பட்டிருந்தபோது, முன்னாள் நாடாளுமன்ற உறுப்பினர் சமன் ரத்னப்பிரிய நேரில் சென்று அவரைப் பார்வையிட்டிருந்தமை குறிப்பிடத்தக்கது.
