3,900 மெட்ரிக் தொன் சமையல் எரிவாயுவை ஏற்றிக்கொண்டு கப்பலொன்று இன்று ஞாயிற்றுக்கிழமை (18) இலங்கையை வந்தடையவுள்ளதாக லிட்ரோ நிறுவனம் தெரிவித்துள்ளது.
கப்பல் நாட்டை வந்தடைந்ததும், எரிவாயுவை இறக்கும் பணிகள் உடனடியாக ஆரம்பிக்கப்படும் என அந்நிறுவனம் குறிப்பிட்டுள்ளது.
இந்தக் கப்பலின் வருகையைத் தொடர்ந்து, அடுத்த மூன்று நாட்களில் மேலும் 350,000 சமையல் எரிவாயு சிலிண்டர்களைச் சந்தைக்கு விநியோகிக்கத் திட்டமிட்டுள்ளதாக லிட்ரோ நிறுவனம் தெரிவித்துள்ளது.
நாடு முழுவதும் தடையற்ற எரிவாயு சிலிண்டர் விநியோகத்தை உறுதிப்படுத்தும் முயற்சியின் ஒரு பகுதியாக, கடந்த மூன்று நாட்களில், இன்றைய தினத்தையும் உள்ளடக்கி, 350,000 சமையல் எரிவாயு சிலிண்டர்கள் சந்தைக்கு விநியோகிக்கப்பட்டுள்ளதாகவும் நிறுவனம் தெரிவித்துள்ளது.
அத்துடன், நுகர்வோர் தேவையற்ற வகையில் எரிவாயு சிலிண்டர்களைச் சேமித்து வைப்பதையோ பதுக்கி வைப்பதையோ தவிர்க்குமாறும் லிட்ரோ நிறுவனம் கேட்டுக்கொண்டுள்ளது.
