lankasudar
இலங்கை முக்கிய செய்தி

வீட்டிற்கு மின்சாரம் இல்லாத நிலையிலும் முல்லை மாவட்டத்தில் இரண்டாம் நிலை பெற்று மாணவி சாதனை (படங்கள் இணைப்பு)

முல்லைத்தீவு மாவட்டத்தில் உடையார் கட்டு அரசினர் தமிழ்கலைவன் பாடசாலையில் தரம் 5 புலமை பரிசில் பரீட்சையில் 13 மாணவர்கள் சித்தியடைந்துள்ளார்கள்.

இவர்களில் நிசாந்தன் நிதர்சனா என்ற மாணவி 194 புள்ளிகளை பெற்று மாவட்டத்தில் இரண்டாம் இடத்தில் சாதனை படைத்துள்ளார்.

நாளாந்தம் கூலிதொழில் செய்து வாழ்ந்து வரும் குடும்பத்தில் முதற் பிள்ளையாக பிறந்த நிதர்சனா சிறுவயதில் இருந்து பாடசாலையில்,

பரீட்சைகளில் முதல் நிலையினை பெற்று போட்டிகளிலும் வெற்றி பெற்று பாடசாலைக்கும் கிராமத்திற்கும் பெருமை சேர்த்துள்ளார்.

குரவில் பகுதியில் வாழ்ந்து வரும் இந்த மாணவியின் வீட்டிற்கு இதுவரை மின்சார இணைப்பு பெற்றுக்கொள்ளமுடியவில்லை வீட்டில் இருந்து,

50 மீற்றர் தொலைவு வரை மின்சா இணைப்பு வந்துள்ளபோதும் இவர்கள் மின்சாரம் இல்லாத வீட்டிலேயே கல்விகற்று சித்தியடைந்துள்ளார்.

எந்த வித பிரத்தியேக வகுப்புக்களுக்கும் செல்லாமல் பாடசாலை கல்வியும் வீட்டுக்கல்வியுமாக கல்விகற்று வந்த மாணவி கொரோனா காலத்தில் பாடசாலை இல்லாத நிலையில் தொலைபேசி ஊடாக ஆசிரியர்கள் அனுப்பும் வினாக்கொத்துக்களை சரியாக படித்து விடை எழுதியதுடன் சந்தேகங்களை பெற்றோர்களிடமும் ஆசிரியர்களிடமும் கேட்டு கல்வி கற்று இந்த சாதனையினை அடைந்துள்ளார்.

எதிர்காலத்தில் தான் ஒரு சிறந்த சட்டத்தரணியாக வந்து கிராமத்தில் பணிசெய்யவேண்டும் என்றும் நிதர்சனா தெரிவித்துள்ளார்.

Related posts

வடக்கில் நாளை மின்சார தடை ஏற்படும் இடங்கள்

editors

யாழில் நாளை மின்சார தடை! இடங்கள் தொடர்பில் வெளிவந்த தகவல்

editor

யாழ் கைதடி சித்த மருத்துவ பீட மாணவிக்கு கொரோனா அறிகுறி! யாழ்.போதனா வைத்தியசாலையில் அனுமதி

editors